Welcome to Bibiliya Tv.com
Call us
+250 785394070
Ibitabo bikunzwe cyane
📖 Ijambo ry’Imana
KUKI TUGOMBA GUSOMA IBINDI BITABO BYIGISHA BIBILIYA?
Ese ujya ubona ari ingenzi kwiga Bibiliya wifashishije ibindi bitabo bya Gikiristo? cyangwa ubona ko ibyo ari umurimo w’abashumba n’abanyamuhamagaro gusa? Ese wagerageje byibura gusoma igitabo kimwe kivuga ku ntego runaka muri Bibiliya?
Biragoye cyane kumva Bibiliya ku rugero wayifashisha abandi mu kwizera mu gihe utajya ufata umwanya ngo usome ibitabo biyisobanura. iyo niyo mpamvu dufite amashuri ya Bibiliya, nubwo buri wese ashobora kuyigura no kuyisoma mu rurimi rwe.
KUKI DUKWIRIYE KWIGA BIBILIYA?
Impamvu nyamukuru ituma twiga Bibiliya ni uko ari ibyanditswe byera kandi byose bifitiye Abakristo umumaro ku buryo bumwe bwuzuye kandi bungana. Icya mbere:
Ibyanditswe byera byose byahumetswe n’Imana kandi bigira umumaro wo kwigisha umuntu, no kumweza iby’ibyaha bye no kumutunganya no kumuhanira Gukiranuka kugirango umuntu w’imana abe ashyitse afite ibimukwiriye byose ngo akore imirimo myiza yose. (2 Tim 3:14-17)
Ibyanditswe byera byose ni isoko yo kumenya kandi biyobora abizera bose ku gakiza. Ibyanditswe byera byose hatavuyemo na kimwe byandikiwe kutwigisha, kugirango kwihangana no guhumurizwa bitangwa nabyo biduheshe ibyiringiro (Rom 15:4) byandikiwe kandi kutubera akabarore ngo tutifuza ibibi nkuko ba bandi babyifuje, ndetse byandikiwe kuduhugura twebwe abasohoreweho n’imperuka y’ibihe. (1 Kor 10:6, 11)
Muri make byandikiwe abantu bo mu minsi y’imperuka ngo bibahumekeremo ukwizera gukenewe ko guhangana n’imyigishirize igoramye yo mu minsi y’imperuka. Isezerano rya kera na none ni igicucu cy’ibyagombaga kuba, bityo rero ni ngombwa ko igicucu kitugeza kuri Kristo. (Kol 2:16; Heb 8:5)
ESE KUKI DUKWIRIYE GUSOMA IBITABO BICUKUMBUYE?
Twibuke ko Bibiliya yibanda ku mugambi w’Imana muri byose, ntiyari irajwe ishinga no kwandika akantu ku kandi ku byabaye, ahubwo aho ibonye ko itacukumbuye bihagije ikurangira igitabo wasoma. Izi neza ko itanditse inkuru zose ahubwo yanditse ibihereranye n’umugambi mugari w’Imana. Niyo mpamvu uzasanga mu gihe Umuntu acukumbuye abantu benshi bibabera bishya. Nyamara ariko mu byanditswe tubonamo imirongo itwereka ko hariho ibindi bitabo twasoma ngo turusheho kugira Amakuru ahagije ahererenye n’inkuru runaka yo mu byanditswe.
Reka turebere hamwe imwe muri iyo mirongo:
“Indi mirimo ya Salomo n’ibyo yakoze byose n’iby’ubwenge bwe, mbese ntibyanditswe mu gitabo cy’ibyakozwe na Salomo? (1 Abami 11:41) Ibi bishatse kuvuga ko inkuru iri mu gitabo cy’abami ishobora kuba iri mu nshamake Bibiliya ikaba ikurangira ikindi gitabo wasoma aricyo gitabo cy’imirimo ya Salomo.
“Ariko indi mirimo yose ya Rehobowamu n’ibyo yakoze byose, mbese ntibyanditswe mu gitabo cy’ibyo ku ngoma z’Abami b’Abayuda? (1 Abami 14:29) bishatse kuvuga ko ukwiye gusoma icyo gitabo ngo urusheho kumenya byose.
“Ariko imirimo yose ya Abiyamu n’ibyo yakoze byose, mbese ntibyanditswe mu gitabo cy’ibyo ku ngoma z’abami b’Abayuda? Kandi habaho intambara hagati ya Abiyamu na Yerobowamu. (1 Abami 15:7)” ubwo ushaka kumenya ibya Abiyahu byose nta yindi ntumwa Bibiliya ikubwiye aho byanditse ukwiye kubisoma.
“Ariko indi mirimo yose ya Asa n’ibyo yakoresheje imbaraga ze byose, mbese ntibyanditswe mu gitabo cy’ibyo ku ngoma z’abami b’Abayuda? Ariko hanyuma ageze mu za bukuru arwara ibirenge. (1 Abami 15:23)
“Dawidi aravuga ati”Ibyo byose nabimenyeshejwe n’ibyanditswe n’ukuboko k’Uwiteka, iyo ni yo mirimo yose ikurikije iki cyitegererezo.” (1 Ngoma 28:19) Mu gihe cyose Bibiliya igaragaza ko dukwiye gusoma n’ibindi bitabo (Bible commentaries) muri aya magambo Bibiliya irasaba gusoma ibitabo biyisobanura:
“Kandi iby’abahungu be n’imiburo ikomeye bamuburiraga, n’ibyo kongera kubaka inzu y’Imana, mbese ntibyanditswe mu bisobanura ibyo mu gitabo cy’abami? Maze umuhungu we Amasiya yima ingoma ye. (2 Ngoma 24:27)
Ariko ibyo yakoreshaga ububasha bwe n’imbaraga ze byose, n’ibyerekana neza uko umwami yakujije Moridekayi akaba umuntu ukomeye, mbese ntibyanditswe mu gitabo cy’ibyo ku ngoma z’Abami b’u Bumedi n’u Buperesi? (Esteri 10:2)
Nta gushidikanya Bibiliya ni igitabo cy’ubuhanga butangaje, kigaragaza aho cyakuye amakuru naho wakura amakuru aruseho ku ngingo runaka yo itacukumbuye. Abisiraheri rero bakomeje guhererekanya izi nkuru kugeza ubwo zanditswe mu bitabo bindi Ndetse biraboneka none, niyo mvano y’icukumbura riboneka mu bitabo bitandukanye bisobanura Bibiliya.
Soma Ibitabo byacu ku bikoresho byose by’ikoranabuhanga!
IBITABO BYACU BYOSE BIRABONEKA MU BURYO BUCAPYE, BYUBAKIYE KURI BIBILIYA YERA, KANDI BYANDIKIWE GUKUZA ABIZERA, NO GUTUMA BABAHO UBUZIMA BUSHINGIYE KU BYANDITSWE BYERA.
The Blogs
Inkuru Ziheruka
Umuntu usoma abaho ubuzima igihumbi mbere yuko apfa…..Ariko udasoma we abaho ubuzima bumwe gusa! George R.R. Martin
“Bityo rero, turakwinginze cyane, turagusaba dukomeje, jugunya televiziyo yawe, maze mu mwanya wayo ushyireho etajeri yuzuye ibitabo.” Roald Dahl
